TurkLang  
Тюрк тилдерле компьютерле иштеериле колбулу Калыктар ортодогы конфереция
“TurkLang”

Тюрк тилдерле компьютердиҥ болужыла иштеериле колбулу «TurkLang 2019» деп VII-чи Калыктар ортодогы конференция

Кӱндӱлӱ коллегалар!

Тюрк тилдерле компьютердиҥ болужыла иштеериле колбулу «TurkLang 2019» деп VII-чи Калыктар ортодогы конференция 2019 јылдыҥ ӱлӱрген айыныҥ 3–5-чи кӱндеринде
Симферополь калада (Крым, РФ) болор деп бис сӱӱнип јарлап турус.

Конференцияныҥ ижиниҥ ууламјылары:

  • Тӱрк тилдерге тургузылган формалардыҥ модельдери
  • Компьютерлык системалардыҥ национал локациязы ла терминология
  • Тӱрк тилдердиҥ электрон корпустары
  • Тексттерди морфология ла синтаксис јанынаҥ шиҥдеер системалар
  • Куучын-эрмекти таныыр ла синтезировать эдер системалар
  • Тексттерди учуры аайынча шиҥдеер системалар
  • Машиналык кӧчӱриштиҥ системалары
  • Тӱрк ле ӧскӧ тилдерге ӱредер интеллектуал системалар ла технологиялар
  • Тӱрк тилдерге тургузылган лингвистикалык онтологиялар
  • Социолингвистикалык шиҥжӱлер XXI-чи чактыҥ билиминде

Тӧс даталар:

Статьялардыҥ толо тексттерин табыштырары кичӱ изӱ айдыҥ 1-кы кӱнине јетире
Рецензенттер кӧргӧн материалдарды ийери сыгын айдыҥ 20-чи кӱнине јетире
Конференцияныҥ программазын јарлаары сыгын айдыҥ 25-чи кӱнинде
Статьяныҥ калганчы вариантын јуунтыга табыштырары сыгын айдыҥ 1-кы кӱнине јетире
Конференцияны ӧткӱрери ӱлӱрген айдыҥ 3 – 5-чи кӱндери

Конференцияныҥ программазына пленар јуундар, тегерик столдор, программалык системалардыҥ кӧргӱзӱзи кирет.
Конференция тужында UniTurk-тиҥ «Тӱрк тилдердиҥ электрон корпустарында грамматикалык темдектер тургузар системаларды бир тӱҥей эдери» деп ээчий семинары ӧдӧр.

Рецензенттер талдап алган эҥ артык докладтар рецензироваться эдилип турган «Таврический вестник информатики и математики» ле «Ученые записки КФУ» деп журналдарда чыгар.

Конферецияда тузаланар тилдер

Конференцияда английский, орус ла Крымныҥ татарларыныҥ тили тузаланар.
Презентациялар английский тилле эдилер учурлу.